Itquumayut haffumunga Takuyaptingnun

• Nunaqyuaptingni Takuyaq Kanatami qangataqtauyuq hivuliqmi 52 ukiut kingugani uvalu IIdjirurviani 15, 1965mi
• Nunaqyuaptingni Takuyaa haffumunga Kanatap Ubluani ilitugipkaqtauyuq taiyaunia uvani Iidjirurviani 15, 1996mi.
• Atauhiq naunaitkut pidjutigiyaa uvaptingnun aihimaviptingni uvalu ungahiktumun taamna aupayaaqtuq qakuqtaqlu nunaqyuap takuyaa haffuma Kanatap.
• Kanata avaliituq nunaqyuptingni piqaqtuq atungauyaqmik takuyaqmi.
• Qakuqtat kikagiktut uvalu aupayaaqtuq atungauyaq pidjutigiyaa qulaani takuyap aadjikiiktut malguknun apuayaaqtut hanigaani kiklingani.
• Atungauyq atuqtauyuq ingilgaat piniqtutaubluni uvalu naunaitkutaubluni Kanatami titirauyaqnikkut hanauyaqnikkutlu, naunaitkutait uvalu avatiit iluani.
• Takuyaliqiyiit (takuyanik ayuittiaqhimayut) ilaani tautuktauyut nunaqyuami takuyaa Kanatap atauhiq nunaqyuaptingni pinitqiyauyuq idjhia uvalu aktilaangit ivitaangit.
• Takuyaa Kanatap agidjauhimayuq qulvanuqyuaq nunaqyuami, Imnaqyuaq atia Mount Everestmun.
• Hamna Kanatap takuyaa agidjaublunilu hilatiptingnun haffumanga hivuliq Kanatap aulaaqtup hilaptingnun tingmiyuq uvani NASAtkuni tingmitaani atia Challenger.
• Talvanga nunaqyuapta takuyaa tingmitilugu hapkualu takuyat hapkununga qulit aviktungniit uvalu pingahut aviktughimayut, takuyait hapkua aviktugniit uvalu aviktughimayut malikhugit atugahat Katitiqniini.