Nunavut Kamisinaata Hanaugaliurnikkut
Aittuutaatigut Maliktakhat Qanuriliurutikhallu

Taamna Nunavut Kamisinap Hanauyaliurnikkut Aittuutighaa pitjutihimayaa Nangariyauyuq Ann Meekitjuk Hanson, Nunavun Kamisinaa ilittiriumapluru ilitangnaqtuq takunnarghuni hanayauhimayunit.

Aittuut Piksasuuliuqhimayuni, Qun’ngiaqtakhani Titiraqhimayunilu Angiyumik Ikayuutimik Hanaugaliuqhimayunut aittuqtauniaqtuq ukiuq tamaat inungmmut atauhirmut akiqarluni imaa $10,000.00.

Ilauyaangani

Ilauyumayut Nunavunmiutauyukhat. Niruaqtauyaangani, ilauyumayut pihimayukhat angivyaktumik ilitarnaqtumiklu tunihihimayukhat hanaugaliurnirmut qangannguqtumit. Ikayuqhimayukhat ukunuuna atauhikkut amihukkulluunniit.

Inuk atauhiq aittuqtauniaqtuq Aittuunmik atauhiinnarmik.

Niruariami Qanuriliurutikhaq

• Niruarutit ikayuqtauhimayukhat pingahunit inungnit timiuyunilluunniit
• Niruarahuaqtut piyukhat ikayuutikhanik titiraqhimayunik kiglikhaq tikitinnagu.

Ikayuutikhat Tititraqhimayut

Ikayuutikhat titiraqhimayut, ilaglit titiqqanik, ilauyukhat niruarutimut ihumaliurutinullu piliqqata. Hapkua ikayuutikhat ilauyukhauyut:

1. Ikayuutikhamik titiraqhimaluni niruarumayumit. Titiqqat ilaqaqtukhat atianik, tuyuqtauvianik, hivayautaata nampaanik, kayumiktukkut nampaa qaritauyakkullu titiqqiqivia niruaqtup.
2. Naittumik naunaiyailuni niruaqtaunahuaqtup ikayuutainnik hanaugaliurnirmut huurlu niruaqtaunahuaqtuq Aittuqtauyukhauyuq.
3. Kangiqhijjutikhanik niruaqtaunahuaqtumut;
• Niruaqtauyukhap kitu qanuritturlu havaanga hanaugaliurnikkut
• Havaariyaminut naunaitkutaq
• Niruaqtaunahuaqtup angilrarviata havakviatalu tuyuqtauvia, hivayautaata nampaait qaritauyakkullu titiqqiqivia
• Itquumayuq niruaqtaunahuap nunaqarnianik
4. Havakvia Kamisinap Ilauyukhanik Tikkuaqtuiyut Katimayiilluunniit munariyunaitait tammaqtaukpata ahiruqtaukpataluunniit ikayuutauyut.

Niruarutauyut tuyuqtauyukhat: naunaiyaqhimayumi niruarutikhani titiqqani. Niruarutikhat titiqqat hailiyut Kamisinap qaritauyakkut pulaarviani hivayarluguluunniit Kamisinap Havakvia uvani 867 975 5120

Tikkuaqtauyaami Qanuriliurutikhaq

Niruarutit Aittuuhiakhamut ihivriuqtauniaqtut Ilauyukhanik Tikkuaqtuiyut Katimayiinnit. Katimayit piniaqtut kinamik Aittuqtauyukhamik aturlugu akimayukhamik piyakhamik. Katimayit piyauniaqtut Nunavunmi hanaugaliurnikkut ilauyunit ilitariyauhimayukhallu ayunngitamikkut hanaugaliurnikkut pitquhikkullu.

Kangiqhipkainiq Ihumaliurutinik

Kamisinap kangiqhipkarniaqtait aittuqtaunahuat titirarvigilugit tatqiqhiut qaangiqtinnagu aittuutikhat tuniyautinnagit. Qanurinnia tuhaqtitauyunaittuq hivayautikkut. Aittuqtaunahuat angiqhimayukhat piksaliuqtauyaangani inmigullu titiraqhimayut atuqtauyumakpata pijjutigiplugu Aittuut aallanilu hulijjutinut aturumakpagit Kamisinap Havakviata. Aittuqtauhimayut angiqhimayukhallu ilauyaangani aittuliqqata, ilait ukua quviahuutigiplugu niripkaikpata, tuhaqtakhaliqinikkut katimakpata, aallanilu taimaittunik pikpata.

Ilauyukhanik Tikkuaqtuiyut Katimayiit – Qanuriliurutit

Katimayikhanik Piyut

Ukiuq tamaat, Kamisina ilautquiniaqtuq tallimanik inungnik Nunavunmit hanaugaliuqtinit Tikkuaqtuiyut Katimayiinni.

Tikkuaqtuiyut Katimayiita Katimaniit

Tikkuaqtuiyut Katimayiit katimaniaqtut Hivyautikkut ihuaqhaqhimayaagut Havakviata Kamisinap.

Tikkuaqtuiyut Katimayiit maniktarunaittut katimanirmingnut.

Akimayukhamik Pilirumik

Akimayukhamik pilirumik hapkua atuqtakhait:

• Iniqtirihimayait
• Ikayuqpauhiit
• Nakuunia / akturnia havaaminit

Aittuut imaittukhaq:

• Pinniqhaqhimayuq naunaitkutaq
• Sakhaakharluni $10,000.00 mik

Apiqhuutikhat Quviahuutjutigivlugit Tuhaqtitjutikhanik

Kamisinap Havakvia
Qiuqutaa 2379
IQALUIT, NUNAVUT X0A 0H0
Email correspondence: nunavutcommissioner@gov.nu.ca

Uqaqvigiyaami naunaitkutaa:
Kamisinap Havakvia
Iglu 2554
Iqaluit, Nunavut