Maliktakhat katimaqatiginahuarumik Kamisina

Kamisinakput ilauqatauqugumi nunagiyaptikni, ilauqatauyukhaq nangariyauyumit aide-de-camp (ikayuqtinga). Tamna aide-de-camp havaktuq, paliihimaugaluannguyumik, of Kanatamiutat Anguyaktiuyunit (Imarmi Anguyaktiuyut, Nunami Anguyaktiuyut unaluuniit Tingmitikkut Anguyaktiuyut), Paliihimakkut Rangers-mitluuniit. Tamna aide-de-camp tikkuaqtauyuq havagiami quviahuutigiami Kamisinamut Kamisinautillugu. Tamna atinga naunaiyarhimayuq tikkuaqtaugiami aide-de-camp-mik quulitqiyauyuq nangariyauyuq honour.

Tamarmik nangariyauyut aides-de-camp havaaqaqtut huli atlatqiinguyunik havaanik atlanut piyut anguyaktunik nunagiyamiknikluuniit havakhutik. Talvuuna, havaktut malikhutik havaariyakhanginnik.

Katimaqataugumi Kamisinauyuq Nunavunmut quviahuutipkailirumik

Hivulliqpaami timiqutigiyauyut piyakhaat katimapkailirumik Kamisinamut ilauquplugu quviahuutipkailirumik piyukhaq Havakvinganut Kamisinaup. Tamna timiqutigiyauyuq uqaqtukhaq Kamisinaup Havakvinganut qanuqtut ihumagiyamiknik. Kamisinaup havakvinga tuniniaqtuq maliktakhangit makpiraat ikayurniaqqurlu tahapkunanut katimapkainahuanut.

Tamna nangariyauyuq aide-de-camp uqaqatigiinariaqaqtuq timiqutigiyauyumut naunaiyariami qanuqtut pinahuaqtamiknik quviahuut ikayuriamilu ikayuqtaugumagumik ukunani:

Qakugu tikinnahuaq
Tunngahuktirniq kamisinakput
Ilitaripkailugu Kamisina
Humi ilauquyauyut ikhivayukhat
Aninahualiqqat Kamisina

Tamna nangariyauyuq aide-de-camp ilauqatauyakhaa Kamisina, humaangittuq tamna inuk ikhivagumi ilauqatauyunut. Una atuqtaulluaqtuq, ihuatqiyauniaqtuq aide-de-camp ikhivagumi tautuknaqtumik Kamisina taimaa nakuugiami munariyamiknik. Havaanga nangariyauyup aide-de-camp ikayuqtakhaa Kamisina havaariyamikni, ikayuqlugulu katimapkaiyunut taimaa nakuuqpiaqtumik, ihuaqtumik katimapkaigiamikni.