Helen Maksagak havaliktuq hivuliuvluni kamisiauyuq Nunavunmi uumani Qiqaiyaqvik 31, 1999-mi havakhuni uumunga Qiqaiyaqvik 31, 2000-mut. Kamisinanguqtinnani, 1992-mit 1999-mut, havakpaktuq uumani Kamisinaup Tuglia Kamisinauvlunilu Nunattiamut. Ms. Maksagak hivuliuyuq arnaq hivuliuyuqlu Inuinnauvluni havaaqaqhuni ukunani havaakhani. Nunamiuqatauvluni Ms. Maksagak havakhimmaaqpaktuq nunallaani. Havakpagait ikayuqnahugittugit ilaqatigiiktunik avatingnullu pitjutikhanut ukiuqtaqtumi.
Peter Taqtu Irniq tugliuyuq kamisinauvluni Nunavunmi uumanga Qitiqauyaqvia 1, 2000-mit uumunga Qiqaiyaqvik 31, 2005-mut.
Kamisinanguqtinnani, Mr. Irniq havaaqaqhimayuq ministaup Tugliani talvani Nunavunmi Pitquhiliqiyikkuni 1998-mit 1999-mut. Havakhimayaminni inuuhirmini Mr. Irniq havaarivagait ihuaqhinahugittugit Inuit pitquhiit, uqauhiit ilaupqaqnahugittugillu Inuit ilauyaanginni angiyuni havaaqhani, ilihautinut nanminiqaqtunullu. Kamisinauvluni ihuaqtumik ihumagiyauhimayuq uqaqtiuvluni havakhuni nunagiyamini, nunakyuamilu naunaiktittugit tamaita inuit Nunavunmik, pitquhiinnik kingulliagut naunaitkutainiklu.
Ann Meekitjuk Hanson pingahuuyuq Kamisinauyuq Nunavunmi uumanga Qiqaiyaqvik 21, 2005-mit uumunga Qiqaiyaqvik 20, 2010-mut.
Mrs. Hanson havaarihimayangit aalangavlutik. Kavamatkuni havaktiuyuugaluaq, naalauhiliqiyiuvluni, titiraqtiuvluni makpiraaliuqtuni tiviikkullu naalautikkullu titiraqhimmaaqpakhunilu makpiraanik. Atuqpagait ayuiqhimayani Inuktitut havaariyamini. Ilauvlugit havakhimayamini titiraqtiuvluni, Mrs. Hanson havakhimayuq talvani Kavamanga Nunattiami nunallaami pivallianirmut havaktiuvluni, katimayiuvluni uumanilu Kamisinaup Tuglia. Havalikhuni kanataup kavamangani 1964-mi, Titiraqtiuhimavluni uumingalu uqaqti/numiqtiriyi havakviani Nunattiami Ilauvluni Kanitaup Katimavikyuangani Gene Rheaume-mut.
Edna Ekhivalak Elias pingahuuyuq Kamisinauyuq Nunavunmi uumanga Qiqaiyaqluaqvia 2010-mit uumunga Qiqaiyaqluaqvia 2015-mut.
Havagaaqpangnirmini, Ms. Elias havakpiarhimayuq aghuurharnirnik Inuit pitquhiinni. Havagutigivaktait tiliniit Nunaqaqqaaqtuni Ilitariyauhimayunilu Uqauhini havagutainnik ukununga Kavamatkunnut Maligaliurvikmullu Nunatsiaqmi, aullaqtiqtithugu Edmonton Inuit Pitquhikkut Katimayiit imaalu nanminiqarhuni aulapkarhugulu inmi uqaqtinikkut, numiktaqtirinikkut uqautiginikkullu havakvikmik.
Speeches | Tuhagaghat nutaannuat | Kamisinap Aittuutainut
Nellie Kusugak pingahuuyuq Kamisinauyuq Nunavunmi uumanga Qiqaiyaqluaqvia 2015-mit uumunga Qiqaiyaqluaqvia 2020-mut.
Uqqarikhuni tamaingnik Qablunaatut Inuktitullu. Ms Kusugak ilauhimayuq ilihainirmut 1986-mit. Ilaurlugulu Ikhivautauqatauhimayuq Nunavunmi Ilihainirmut ilihaiyunut Ihivriuqhingmata 2006-mi, ilauyurlu qaffini katimayiuqataubluni una ilangat Nunavunmi Havaktuliriyit Katimayiini, Uqauhiliriyitkuni, Nunavunmi Ilihaiyiliriniq, Nunattiarmmi Ilihaiyiliriyitkuni uvanilu Ilihaiyit Ayuikhautikhainut Katimayit, Maani Ulujuk Ilinnniarvingmi, Kangiqhinirmi.
Speeches | Tuhagaghat nutaannuat | Kamisinap Aittuutainut
