ᓱᓕᔪᑦ ᐊᐅᓚᖁᑎᑦᑕ ᒥᒃᓵᓄᑦ
- ᑲᓇᑕᓕᒫᒧᑦ ᐊᐅᓚᖁᑎᒋᔭᐅᔪᖅ ᑲᓇᑕᒥᐅᓄᑦ ᓯᕗᓪᓕᖅᐹᒥᒃ ᐊᐅᓚᖁᓯᕐᕕᖕᒧᐊᖅᑕᐅᓚᐅᖅᓯᒪᕗᖅ 52 ᐊᕐᕌᒍᐃᑦ ᐊᓂᒍᖅᓯᒪᓕᖅᖢᑎᒃ ᕕᕗᐊᕆ 15, 1965−ᖑᑎᓪᓗᒍ
- ᑲᓇᑕᓕᒫᒥ ᐊᐅᓚᖁᑎᒋᔭᐅᔪᖅ ᑲᓇᑕᐅᑉ ᐅᓪᓗᐊᓄᑦ ᐊᑐᓕᖅᑕᐅᓪᓚᑦᑖᓚᐅᖅᓯᒪᕗᖅ ᕕᕗᐊᕆ 15, 1996−ᒥ.
- ᑖᓐᓇ ᐊᑕᐅᓯᖅ ᓇᓗᓇᐃᒃᑯᑕᖅ ᑕᒪᐃᑦᑎᓐᓂᒃ ᐊᖏᕐᕋᑦᑎᓐᓂ ᓄᓇᕐᔪᐊᓕᒫᒥᓗ ᑭᒡᒐᖅᑐᐃᓪᓗᓂ ᐊᐅᐸᖅᑑᓪᓗᓂ ᖃᑯᖅᑕᐅᓪᓗᓂᓗ ᑲᓇᑕᓕᒫᒥᐅᓄᑦ ᐊᐅᓚᖁᑎᒋᔭᐅᓪᓗᓂ ᑲᓇᑕᒥᐅᓄᑦ.
- ᑲᓇᑕ ᓄᓇᕐᔪᐊᓕᒫᒥ ᓄᓇᓕᒋᔭᐅᔪᑐᐊᑦᑎᐊᖑᕗᖅ ᓄᓇᕋᙳᐊᖃᖅᖢᓂ ᐊᐅᓚᖁᑎᐅᓂᕐᒥᓂ.
- ᖃᑯᖅᑐᖅ ᑭᑉᐹᕆᒃᑐᖅ ᐊᐅᐸᖅᑐᕐᓗ ᓄᓇᕋᙳᐊᖓ ᓇᑉᐸᖓᓂᒃ ᐊᐅᓚᖁᑎᐅᑉ ᐊᑐᖅᐳᖅ ᓇᓕᒧᒋᔭᖃᖅᖢᓂᓗ ᒪᕐᕉᖕᓄᑦ ᐊᐅᐸᖅᑑᖕᓄᑦ ᓴᓂᐊᓃᑦᑑᖕᓄᑦ.
- ᓄᓇᕋᙳᐊᖅ ᐊᑐᖅᑕᐅᖃᑦᑕᖅᓯᒪᕗᖅ ᖃᖓᑲᓪᓚᖕᓂᑦ ᐱᐅᓴᕈᑕᐅᕙᒃᖢᓂ ᓇᓗᓇᐃᒃᑯᑕᕆᔭᐅᕙᒃᖢᓂᓗ ᑲᓇᑕᒥᐅᑦ ᓴᓇᓗᒃᐸᒃᑕᖏᓐᓂ, ᐅᔭᒥᖕᓂ, ᑕᖅᓴᓂ ᓇᓗᓇᐃᒃᑐᑕᕆᔭᐅᕙᒃᑐᓂᓗ.
- Vexillologist−ᖑᓂᕋᖅᑕᐅᔪᑦ (ᐊᐅᓚᖁᑎᓄᑦ ᖃᐅᔨᒪᔨᑕᒻᒪᕇᑦ) ᐅᖃᐅᓯᖃᕋᔪᒃᐸᒃᐳᑦ ᑲᓇᑕᒥᐅᓄᑦ ᐊᐅᓚᖁᑎᒋᔭᐅᔪᖅ ᑲᓇᑕᒥ ᓄᓇᕐᔪᐊᕐᒥᐅᓕᒫᓂ ᐱᐅᓛᖑᓂᕋᖅᑕᐅᕙᒃᖢᓂ ᑕᒪᓐᓇ ᑐᙵᕕᖃᖅᑎᑕᐅᓪᓗᓂ ᓴᓇᑦᑎᐊᖅᓯᒪᓂᖓᓄᑦ ᐆᒃᑐᕋᖅᓯᒪᔪᓄᓪᓗ ᐊᑐᕐᓂᖓᓄᑦ ᑕᖅᓴᖏᓐᓄᑦ.
- ᐊᐅᓚᖁᑎᒋᔭᐅᔪᖅ ᑲᓇᑕᒥᐅᓄᑦ ᓇᒃᓴᖅᑕᐅᓚᐅᖅᓯᒪᕗᖅ ᓄᓇᕐᔪᐊᒥᐅᓕᒫᓂ ᖁᑦᑎᖕᓂᖅᐹᒧᑦ ᐅᕗᖓ, Mount Everest.
- ᑲᓇᑕᒥᐅᓄᑦ ᐊᐅᓚᖁᑎᒋᔭᐅᔪᖅ ᐊᓂᕐᓂᖃᕐᓇᙱᑦᑐᒧᐊᕈᔾᔭᐅᓚᐅᖅᓯᒪᕗᖅ ᓯᕗᓪᓕᖅᐹᒥᑦ ᑲᓇᑕᒥᐅᑕᒥᑦ ᐊᓂᕐᓂᖃᕐᓇᙱᑦᑐᒧᐊᖅᑎᒥᑦ ᖃᖓᑕᓚᐅᖅᓯᒪᔪᒥᑦ NASA−ᑯᑦ ᐊᓂᕐᓂᖃᕐᓇᙱᑦᑐᒧᐊᕈᑎᖓᓄᑦ ᐆᒧᖓ, Challenger.
- ᑲᓇᑕᒥᐅᓄᑦ ᐊᐅᓚᖁᑎᒋᔭᐅᔪᖅ ᐊᐅᓚᖁᓯᕈᑕᐅᓯᒪᔭᕌᖓᑦ ᐊᓯᖏᓐᓄᑦ ᐊᐅᓚᖁᑎᓄᑦ 10−ᓄᑦ ᐊᕕᒃᓯᒪᓂᕆᔭᐅᔪᓄᑦ ᐅᑭᐅᖅᑕᖅᑐᒥᓗ ᐱᖓᓱᓄᑦ ᐊᕕᒃᓯᒪᓂᕐᓄᑦ, ᑕᒪᒃᑯᐊ ᐊᐅᓚᖁᑏᑦ ᐊᕕᒃᓯᒪᓂᕆᔭᐅᔪᓂ ᐅᑭᐅᖅᑕᖅᑐᒥᓗ ᐊᕕᒃᓯᒪᓂᕐᓂ, ᑕᒪᒃᑯᐊ ᐊᐅᓚᖁᑏᑦ ᒪᓕᒃᐸᒃᐳᑦ ᐃᓚᓕᐅᔾᔭᐅᓚᐅᖅᓯᒪᓂᕐᒥᓄᑦ Confederation−ᒧᑦ.
