ᓄᓇᕗᒻᒥ ᑲᒥᓯᓇᐅᑉ ᐃᓕᓴᕆᔭᐅᔾᔪᑎᖏᓐᓄᑦ ᐊᑐᐊᒐᐃᑦ

ᐅᑯᐊ ᐃᒻᒥᒃᑰᖓᓕᖅᑕᐅᓯᒪᔪᑦ ᑲᒥᓯᓇᐅᑉ ᐃᓕᓴᕆᔭᐅᔾᔪᑎᖏᓐᓄᑦ. ᑐᓂᔭᐅᕙᑦᑐᑦ ᐃᓕᓴᖅᓯᒍᑕᐅᓪᓗᑎᒃ ᑭᒃᑯᑐᐃᓐᓇᕐᓂᒃ ᐊᔾᔨᐅᙱᑦᑐᓂᒃ ᐱᓕᕆᐊᖃᖅᓯᒪᔪᓂᒃ ᐊᑭᓕᖅᓱᖅᑕᐅᒐᑎᒃ ᐃᑲᔪᖃᑦᑕᕐᓂᖏᑦ / ᓄᓇᓕᓐᓂ ᐱᔨᑦᓯᕋᖃᑦᑕᕐᓂᖏᑦ, ᐃᓅᓕᑦᓯᓯᒪᓂᖏᑦ, ᐃᑉᐱᒍᓱᑦᓯᐊᕐᓂᖏᑦ, ᒪᒃᑯᑦᑐᐃ ᐃᓕᓴᕆᔭᐅᓂᖏᑦ, ᐊᔾᔨᐅᙱᑦᑐᓂᒃ ᐱᔪᓐᓇᕐᓂᖃᕐᓂᖏᓪᓗ.

ᓂᕈᐊᕋᑦᓴᓕᐅᕆᓂᖅ ᐃᓕᓴᕆᔭᐅᔪᑦᓴᓂᒃ

ᓂᕈᐊᕋᑦᓴᓕᐅᕆᒍᓐᓇᖅᑐᑦ ᓄᓇᕗᒻᒥᐅᑦ. ᕼᐊᒻᓚᒃᑯᑦ ᒪᓕᒐᓕᐅᖅᑏᓪᓗ ᐊᓪᓚᕝᕕᖏᑦ ᐃᑲᔪᖃᑦᑕᖅᓯᒪᔪᑦ ᐊᑐᐃᓐᓇᖁᓪᓗᑎᓪᓗ ᐃᑲᔪᖅᑕᐅᒍᒪᔪᓄᑦ.

ᐃᓱᒪᑦᓴᖅᓯᐅᕈᑕᐅᓂᐊᖅᑲᑕ, ᓂᕈᐊᕋᑦᓴᓕᐅᖅᑕᐅᔪᑦ ᐃᓕᓴᕆᔭᐅᔾᔪᑎᓄᑦ ᓂᕈᐊᕋᑦᓴᓕᐊᖑᒋᐊᓖᑦ ᑲᒥᓯᓇᒧᑦ ᒪᕐᕉᓐᓄᑦ ᐅᖓᑖᓄᓪᓘᓐᓃᑦ ᐊᑎᓕᐅᕐᓗᑎᒃ. ᑐᓂᓯᒋᐊᖃᕐᓂᐊᖅᑐᑦ ᓂᕈᐊᕋᑦᓴᓕᐅᕆᒍᑎᒥᒃ ᑕᑕᑎᕆᐊᓕᒻᒥᒃ ᖃᕆᓴᐅᔭᒃᑯᑦ ᐱᔭᐅᔪᓐᓇᖅᑐᓂ.

ᐊᑭᓕᖅᓱᖅᑕᐅᒐᓂ ᐃᑲᔪᖃᑦᑕᕐᓂᖓ /ᓄᓇᓕᓐᓂ

ᐃᓕᓴᖅᓯᒍᑕᐅᕙᑦᑐᑦ ᓄᓇᕗᒻᒥᐅᓂᒃ ᓇᒻᒥᓂᖅ ᑐᓂᓯᒪᕙᑦᑐᓂᒃ ᐊᑦᓱᕉᑎᖃᖅᐸᑦᑐᓂᓪᓗ ᑮᓇᐅᔭᓕᐅᕋᓱᐊᖅᑎᐅᒐᑎᒃ ᓄᓇᓕᓐᓂ ᐱᔨᑦᓯᕋᖅᑏᑦ ᑲᑐᔾᔨᖃᑎᒌᖏᓐᓄᑦ ᐃᓅᖃᑎᒥᓄᓪᓘᓐᓃᑦ. ᐃᓕᓴᕆᔭᐅᔪᑦ ᑐᓂᔭᐅᕙᑦᑐᑦ ᐸᐃᑉᐹᒥᒃ ᐊᑭᓐᓇᕐᒥᐅᑕᒥᒃ.

ᐃᓅᓕᑦᓯᓂᒥᓂᖓ

ᑲᓇᑕᒥ ᓄᓇᕗᒻᒥᐅᑦ ᑕᐃᒫᑦᓴᐃᓐᓇᖅ ᐃᓕᓴᕆᔭᐅᒍᓐᓇᖅᑐᑦ ᓇᒥᑐᐃᓐᓇᖅ ᑲᓇᑕᒥᐅᑎᑐᑦ, ᐃᓚᖏᑦ ᐃᒻᒥᓂᒃ ᑐᓂᓯᒪᓪᓗᑎᒃ ᐃᓅᓕᑦᓯᓯᒪᔪᑦ ᓄᓇᕗᒻᒥ ᑲᓇᑕᓕᒫᒨᖓᔪᓂᒃ ᐃᓕᓴᕆᔭᐅᕙᙱᒻᒪᑕ. ᑕᐃᒪᐃᒻᒪᑦ, ᓄᓇᕗᒻᒥ ᑲᒥᓯᓇᖓᑦ ᓴᖅᑭᖅᓯᓚᐅᖅᓯᒪᔪᖅ ᐃᓅᓕᑦᓯᓂᕐᒧᑦ ᐃᓕᓴᕆᔭᐅᔾᔪᑎᒥᒃ, ᓄᓇᕗᒻᒥᐅᓄᑦ ᐊᑭᓕᖅᓱᖅᑕᐅᒐᑎᒃ ᐃᓅᓯᕐᒥᓂᒃ ᐊᓐᓂᕈᓱᒍᓐᓃᖅᑐᑎᒃ ᐊᓯᒥᓂᒃ ᐃᓅᓕᑦᓯᓯᒪᔪᑦ ᐅᕝᕙᓗ ᐃᓅᓕᑦᓯᒐᓱᐊᖅᑐᒥᓃᑦ. ᐃᓕᓴᕆᔭᐅᔪᑦ ᑐᓂᔭᐅᕙᑦᑐᑦ ᐸᐃᑉᐹᒥᒃ ᐊᑭᓐᓇᕐᒥᐅᑕᒥᒃ.

ᐃᑉᐱᒍᓱᑦᓯᐊᕐᓂᖓᓄᑦ ᐃᓕᓴᕆᔭᐅᔾᔪᑎ

ᐊᑦᓱᕉᑎᖃᑦᓯᐊᖅᐸᑦᑐᓄᑦ ᓴᖅᑭᔮᖅᑎᑦᓯᒋᐊᕐᓂᕐᒧᑦ ᐃᓅᖃᑎᒌᑦᓯᐊᕐᓂᕐᒥᒃ ᐃᓅᓯᖃᑦᓯᐊᕐᓂᒥᓪᓗ.

ᒪᒃᑯᑦᑐᓂᒃ ᐃᓕᓴᖅᓯᓂᕐᒧᑦ

ᐃᓕᓴᖅᓯᒍᑎᐅᕙᑦᑐᖅ ᐱᓕᕆᑦᓯᐊᖅᓯᒪᓂᖏᓐᓂᒃ ᐱᔭᕇᖅᓯᓯᒪᓂᖏᓐᓂᓪᓗ ᒪᒃᑯᑦᑐᓂᒃ ᓄᓇᕗᒻᒥᐅᓂᒃ, ᐅᑭᐅᓕᓐᓂᒃ ᐊᑯᓐᓂᖓᓂ 15 ᐊᒻᒪᓗ 24, ᐊᑭᓕᖅᓱᖅᑕᐅᒐᑎᒃ ᐃᑲᔪᖅᐸᑦᑐᓂᒃ ᐊᑲᐅᓈᖅᑐᒃᑯᓪᓗ ᐊᑑᑎᖃᖅᑎᑦᓯᕙᑦᑐᓂᒃ ᓄᓇᒥᓐᓂ ᓄᓇᕗᒻᒥᓗ. ᐃᓕᓴᕆᔭᐅᔪᑦ ᑐᓂᔭᐅᕙᑦᑐᑦ ᐸᐃᑉᐹᒥᒃ ᐊᑭᓐᓇᕐᒥᐅᑕᒥᒃ.

ᐊᔾᔨᐅᙱᑦᑐᓂᒃ ᐱᔪᓐᓇᕐᓂᖃᕐᓂᖓᓄᑦ

ᑖᓐᓇ ᐃᓕᓴᖅᓯᒍᑎᓂ ᑲᔪᖏᖅᓴᐃᒍᑎᖃᕐᓂᕐᒧᑦ ᐃᓕᓴᖅᓯᓂᕐᒧᓪᓗ ᑭᒃᑯᐃᓐᓇᕐᓂᒃ, ᐃᓐᓇᒻᒪᕆᓐᓂᓪᓗ, ᓯᕗᓪᓕᖅᑎᐅᒍᓐᓇᕐᓂᖏᓐᓄᑦ ᐃᓕᓐᓂᐊᖅᑎᑦᓯᕙᑦᑐᑎᒃ ᐃᓕᖅᑯᓯᑐᖃᕐᓂᒃ ᓯᓚᑐᓂᕐᒥᓂᓪᓗ, ᐊᒻᒪᓗ ᓴᓇᙳᐊᕈᓐᓇᕐᓂᖏᓐᓄᑦ, ᐃᔾᔪᐊᖅᑕᐅᒍᒪᓂᖃᑦᓯᐊᕐᓗᑎᒃ ᒪᒃᑯᑦᑐᓄᑦ ᓄᓇᖅᑲᑎᒥᓄᓪᓗ ᓄᓇᕗᒻᒥᐅᓄᓪᓘᓐᓃᑦ. ᐃᓕᓴᕆᔭᐅᔪᑦ ᑐᓂᔭᐅᕙᑦᑐᑦ ᐸᐃᑉᐹᒥᒃ ᐊᑭᓐᓇᕐᒥᐅᑕᒥᒃ.